[轉載] 一襪治一物 (by salanghea)

由salanghea於2009-08-20發佈
===================================================================================
自換票事件後,大哥開始對賞昇既默契起疑...愈諗愈多...愈諗愈錯...
究竟余家昇做咩比一千萬支票賞?點解賞話赤裸裸,又話咩爭佢一千萬..
電台示愛個晚,賞去左邊?同邊個一齊? 幾萬個問號不停係大哥頭上出現...

Canteen內...賞昇又再以小情侶姿態坐埋一齊,眉來眼去...
岩岩黎到canteen既大哥將一切看在眼內..當大哥一坐低，小情侶就安靜落黎...
昇: 老總, 做咩今日好似咁無胃口咁既?唔舒服丫?
大哥(緊張): 賞,你唔舒服咩?! 係唔係又亂食野丫你?我叫左你幾多次唔好亂食街邊野...
賞:..er....無..我諗..可能係天氣太熱,所以無胃口je..無野既...

飯後, 大哥黎到老總辦公室...
大哥:賞...今晚得唔得閒食飯?我check過啊堅,藍紙出左,你今晚應該無appointment
賞(諗大話中): 大哥...我..... 唔好意思..
一股熱流突如其來由賞賞既胃好似山泥傾瀉咁一湧以上, 賞賞急步衝入洗手間..
係洗手間門外等候既大哥只係聽到賞賞痛苦咁係度嘔既聲...
賞賞拖住疲倦既身驅係洗手間行出黎,係大哥陪同下返返入辦公室
大哥:賞，你無事丫麻？駛唔駛我同你去睇醫生?
賞:大哥, 我..我諗我無事...唔駛擔心
呢個時候，社長衝門而入..
社長: 賞呀(半身入左房之制先發現大哥,即轉口) er...老總...大哥,乜你都係度呀?
係喇,老總,下期個封面我想同你傾下...
大哥:....咁我唔阻你地,我一陣再搵你啦賞! (行出門外既大哥努力聽門裡既賞昇對話）
賞:點呀?有咩問題丫下期封面?
社長:...er...我諗呢度講唔係咁方便...不如放工之後, 8點火噴噴餐廳等
賞(偷笑)心諗: 死奸仔,終於捨得同我講喇咩?!!
門外既大哥眼神露出絲絲殺機... 大哥:..8點?!火噴噴餐廳呀?!!

一早黎到火噴噴餐廳既大哥一早就搵左個有利位置...樹起耳仔聽２人對話
經過一輪細心大扮既賞賞黎到火噴噴...社長細心咁為賞賞拉櫈...
賞(放電眼): 點呀,社長, 你有咩緊要野同我講?
昇(認真):其實...我諗左好耐究竟應唔應該同你講..但..作為一個負責任既男人...連樂兒都話我有問題...我..我真係要講...
賞(笑容更甜) : 你有咩咪講囉...
昇:...我...我覺得我真係好唔負責任...
(大哥:唔負責任?!!(緊握拳頭)余家昇你個衰人!你對賞賞做左ｄ咩?!!!!)
賞:你知你唔負責任喇咩?!你知唔知你好hurt我架?!!!
昇: 係...係我唔岩...係我唔理你既安全...但之前我真係唔知....
(呢個時候餐廳一角，一個小提琴正為一對小情侶現奏，令大哥聽唔清楚賞昇講咩）
(大哥: 咩安全?!!! 余家昇..你唔好話比我知你同啊賞......阿賞今日又無胃口...又嘔....唔通...)

賞: 一日都係你衰,如果唔係你,我點會攪成咁! 比人知道,我仲駛見人既?!
昇:賞..我都唔想架...你唔好咁啦!呢個係我一個相熟既醫生..你去睇佢啦..你話識我應該有７折

呢個時候，大哥再按捺唔到自己，來勢兇兇咁衝向社長，一手的起社長
２話不說既大哥一拳揮向社長面上：余家昇你個賤人！你攪大賞賞個肚．．．仲叫佢落左佢
賞（緊張）：．．社長....
望住面上掛彩既社長既賞心痛至極激動咁捉住意圖再打社長既大哥
賞：大哥！唔該你停手！！
大哥即時停手:　賞..你仲幫住呢個衰人?!你唔駛驚佢!有我係度!!
賞：大哥,唔該你收聲聽我講得唔得...
由於餐廳內耳目眾多, 賞就拉二人去安靜既海邊

賞昇為左對方，只好向大哥坦白...講返頭先餐廳內大哥聽唔到既一段..

昇: 係...係我唔岩...係我唔理你既安全...但之前我真係唔知....
賞:...(開始意會自己可能諗錯左)...你...講咩呀?
昇: 唉...我..係我唔岩, 我明知你隻腳有傷口,我又有香港腳我唔應該除左我對襪比你著...仲up左成晚...攪到你都有香港腳..再加埋個傷口..真係臭多２錢重
賞: 一日都係你衰,如果唔係你,我點會攪成咁! 比人知道,我仲駛見人既?!
賞..我都唔想架...你唔好咁啦!呢個係我一個相熟既醫生..你去睇佢啦..你話識我應該有７折

昇:...大哥..我講既醫生係醫牛皮廯,香港腳既醫生呀...
大哥: ..咁...咁我見賞你今日係canteen又無胃口,又作嘔...
賞:..................................
賞回想嘔之前,係辦公室偷偷拎昇昇襪出黎.....

車上...昇偷笑
賞:你個奸仔做咩偷笑?!比人打完仲笑得落咩?
昇:點解笑唔落?!大哥又無掉我出窗...
你都係交返佢出黎吧啦..你交返佢出黎..我用第２樣野同你交換
賞:咩?
昇: 我對襪呀! 你咁聞發,我驚你臭死呀!
賞(碌大眼):點解...你個邪派高手真係咩都知架? 你係唔係o係我附近裝左閉露電視
昇:(冷笑)仲駛裝?你覺得我有咩未見過..
賞: 你...余家昇!!(怒)
昇:好喇好喇..（係沙灘旁忽然停車）

奸仔帶住古惑女係沙灘...２人揀左一個舒服既位抬頭一齊賞星(賞昇)
忽然間,奸仔拎走古惑女腳旁個對大哥送既飄甩雞毛, 將佢掉落海
(屋企既小朋友唔好亂學)
賞: 余家昇!! 你係唔係傻架?! 我對深愛既飄甩雞毛呀!!!!
昇: 你深愛既飄甩雞毛?定係大哥送比你既飄甩雞毛?
賞: 你提大哥做咩je?!係我!係我,殷賞既飄甩雞毛!
昇: (掉條車匙比賞) …我掉左你對飄甩雞毛, 我還返對比你..打開我車尾箱..
當賞打開車尾箱既同時, 昇係車度開著左音樂…
賞一打開車尾箱,全部都係紅色玫瑰花, 中間係一個鞋盒!!
無錯! 係鞋盒! 就係昇收埋左既飄甩雞毛鞋盒
賞打開鞋盒,見到自己期待已久既飄甩雞毛…感動得眼淚由眼角自然湧出黎…
當賞賞想轉身之制…背後既昇一路行近賞,一路跟住音樂對住賞唱出佢既心聲..
<暗戀你>…”難忍耐　妳可聽到　在誰人心內
妳的淺笑像潮水蕩去飄來　才是真的最可愛　我最深愛”
賞感動得二話不說就撲入昇既懷抱…
月光之下, 一對甜蜜小情人近近擁抱….
溫柔既家昇繼著襪事件後,又一次溫柔咁將佢最深愛既女人--殷賞當作灰姑娘,為佢著上佢深愛既飄甩雞毛… 此時此刻既殷賞深深感受到幸福既感覺…